အာဆီယံနိုင်ငံများတွင်ကျင့်သုံးနေသည့် စိုက်ပျိုးမွေးမြူရေးထွက်ကုန်ဆိုင်ရာ ကွန်ထရက်စာချုပ် သဘောတူညီချက်များ - အချက်အလက် လေ့လာဖော်ထုတ်ရေး လုပ်ငန်းစဉ်

(Oxfam Novib) ဖောင်ဒေးရှင်းမှ ဆောင်ရွက်နေသည့်ဤအချက်အလက် လေ့လာဖော်ထုတ်ရေး လုပ်ငန်း စဉ်သည် ဆင်းရဲမွဲတေမှု လျော့ပါးသက်သာစေရေးအတွက် အာဆီယံနိုင်ငံများတွင် ကျင့်သုံးဖော်ဆောင် နေသည့် စိုက်ပျိုးမွေးမြူရေးထုတ်ကုန်ဆိုင်ရာ ကွန်ထရက်စာချုပ်သဘောတူညီချက် လုပ်ငန်းစဉ်များ၏ အခန်းကဏ္ဏကို ပိုမိုနားလည်စေရန် အဓိကရည်ရွယ်ပါသည်။ ဤသို့ လေ့လာဖော်ထုတ်ရာတွင် (Oxfam Novib ) ဖောင်ဒေးရှင်းမှ ပံ့ပိုးပေးသည့် မေးခွန်းအစုကို လုပ်ငန်းလမ်းညွှန်အဖြစ် အသုံးပြုထားပါသည်။

၎င်းမေးခွန်းများမှာ

(၁) စိုက်ပျိုးမွေးမြူရေးထွက်ကုန်ဆိုင်ရာ ကွန်ထရက်စာချုပ်များသည် မည်သည့်အသွင် သဏ္ဏာန် (ပုံစံ) ဆောင်ပါသလဲ ( စားနပ်ရိက္ခာနှင့် စိုက်ပျိုးရေးဖွဲ့ (FAO) ၏ မကြားသေးမီ သတ်မှတ်ဖော်ထုတ် ချက်များ အရ ၎င်းသဘောတူ စာချုပ်များသည် အသွင်သဏ္ဏာန်/ပုံစံ (၃) မျိုးရှိပါသည်။ စိုက်ပျိုးမွေးမြူရေး ခြံများကို အခြေခံသည့်ပုံစံ၊ ရင်းနှီးမြုပ်နှံမှုချေးငွေဖြင့်မတည်၍ ရောင်းချပိုင်ခွင့်ပြန်လည်ပေးအပ်သည့် ပုံစံ၊ သတ်မှတ်ထားသည့်စျေးနှုန်းဖြင့် ပြန်လည်ရောင်းချသည့် ပုံစံ ဟူ၍ဖြစ်ပါသည်။ )

(၂) သဘောတူစာချုပ်လုပ်ငန်းများ၏ အတိုင်းအတာ၊ ပမာဏ နှင့် ဒေသတွင်းနိုင်ငံများတွင်စီစဉ်ပြုလုပ် သည့် ပုံစံ

(၃) အဆိုပါသဘောတူစာချုပ်များ၏ အခန်းကဏ္ဏ ပိုမိုအရေးပါဟန်ရှိသည့် နိုင်ငံများ၊ ထုတ်ကုန်အမျိုး အစားများ၊ စိုက်ပျိုးမွေးမြူရေးကဏ္ဏများ

(၄) အဆိုပါ သဘောတူစာချုပ်လုပ်ငန်းပုံစံများသည် ရေရှည်တွင် ပိုမိုပျံ့နှံ့အားကောင်းလာနိုင်သလား (သို့မဟုတ်) အားနည်းပျောက်ကွယ်သွားနိုင်ပါသလား

(၅) အဆိုပါသဘောတူစာချုပ်လုပ်ငန်းများအပေါ်ပြည်သူလူထု (သို့မဟုတ်) တိုက်ရိုက် ရင်းနှီးမြုပ်နှံမှုများ ၏ သက်ရောက်နိုင်ခြေ

(၆) အဆိုပါသဘောတူစာချုပ်လုပ်ငန်းများ ပိုမိုဖွံ့ဖြိုးတိုးတက်လာစေရန် လုပ်ဆောင်သင့်သည့် လှုပ်ရှားမှု များ

(၇) အဆိုပါ သဘောတူစာချုပ်လုပ်ငန်းများ၊ လုပ်ပိုင်ခွင့်အာဏာပေးအပ်မှုများနှင့် တိုးတက်လာသည့် ပြည်ပပို့ကုန် လုပ်ငန်းများအကြား ပတ်သက်နေသည့် ကွင်းဆက်များ

(၈) အဆိုပါ သဘောတူစာချုပ်လုပ်ငန်းနောက်ကွယ်ရှိ စီးပွါးရေးဆိုင်ရာ တွန်းအားပေးမှုများ၊ မက်လုံးများ ( စီးပွါးရေး ပုံစံ (သို့မဟုတ်) စီးပွါးရေးနှင့် ဆက်နွှယ်သည့် တွန်းအားပေးမှုများ)

(၉) အရှေ့တောင်အာရှ နိုင်ငံများတွင် ကျင့်သုံးနေသည့် သဘောတူစာချုပ်လုပ်ငန်းဆိုင်ရာ အကောင်း ဆုံးပုံစံများ (တစ်နည်းအားဖြင့် အငယ်စားစိုက်ပျိုးမွေးမြူရေးလုပ်ငန်းများ (ကျေးလက်ဒေသ အသက် မွေးဝမ်းကျောင်း လုပ်ငန်းများ) အပေါ် အဆိုပါ သဘောတူစာချုပ်လုပ်ငန်းပုံစံ/ အလေ့အထများမှ ဆောင်ကြဉ်းလာသည့် ထင်ရှားသိသာသော အကျိုးကျေးဇူးများ

(၁၀) အရှေ့တောင်အာရှနိုင်ငံများတွင် ကျင့်သုံးနေသည့်သဘောတူစာချုပ်လုပ်ငန်း စနစ်/ပုံစံများမှ ဆောင်ကြဉ်းလာသည့် ဆိုးကျိုးသက်ရောက်မှုများ

စသည်တို့ဖြစ်ကြပါသည်။