ဥစ္စာဓနကိုမျှဝေခြင်း-မြန်မာနိုင်ငံ၏ သဘာဝသယံဇာတများမှ ရရှိသော ဝင်ငွေကို ဖြန့်ဖြူးဝေငှခြင်းဆိုင်ရာမဟာဗျူဟာ လုပ်ငန်းစဉ်များ

မြန်မာအစိုးရသစ်အနေဖြင့် လက်ရှိတည်ဆဲဉပဒေမူဘောင်အတွင်းမှနေ၍ သဘာဝ သယံဇာတဝင်ငွေများကို စနစ်တကျ ဖြန့်ဖြူးဝေဌပေးရန် ကတိကဝတ်များရှိနေပါသည်။ အဆိုပါ ကတိကဝတ်များကို ဖြည့်ဆည်းရန်အတွက် ဖြစ်နိုင်ခြေရှိသော ရွေးချယ်ရန် နည်းလမ်းများကို ဤဆွေးနွေးမှုစာတမ်းက အနှစ်ချုပ်ဖော်ပြထားပါသည်။သဘာဝသယံဇာတမှ ရရှိသော ဝင်ငွေ များကိုည်သို့မည်ပုံ အကောင်းဆုံးဝေဌ ဖြန့်ဖြူးမည်ဟူသော အချက်များကို ကျယ်ကျယ်ပြန့်ပြန့် ဆွေးနွေးသုံးသပ်ရန် လိုအပ်ကြောင်း ဤစာတမ်းက ဝေဖန်ထောက်ပြထားပါသည်။ ပထမအချက်အနေဖြင့်မြန်မာနိုင်ငံတွင် လက်ရှိ ဘဏ္ဍာငွေခွဲဝေသုံးစွဲမှု အခြေအနေကို အကျဉ်းချုပ်ဖော်ပြထားပါသည်။ ဒုတိယအချက်အနေဖြင့် အကန့်အသတ်ဖြင့်သာ ရရှိသော သတင်းအချက်အလက်အားလုံးကို အသုံးပြု၍ လက်ရှိလုပ်ကိုင်နေသောသတ္ထုတူးဖော်ရေးလုပ်ငန်းများ၏ တည်နေရာနှင့် အရွယ်အစားကို ဖော်ပြထားပါသည်။ တတိယအချက်အနေဖြင့် ဘဏ္ဍာငွေ ငွေခွဲဝေမှုဆိုင်ရာနိုင်ငံတကာ အတွေ့အကြုံများနှင့် အလေ့အထ ကောင်းများကို မျှဝေနိုင်ရန် ရည်ရွယ်ပါသည်။စတုတ္ထအချက်အနေဖြင့် အစိုးရအချင်းချင်း လွှဲပြောင်း ခြင်းဆိုင်ရာ မူဝါဒချမှတ်သူများအတွက် မူဝါဒရွေးချယ်မှုများနှင့်ထည့်သွင်းစဉ်းစားရန်အချက်များကို ဖော်ပြထားပါသည်။