(၂၀၁၄) ခုနှစ် မြန်မာနိုင်ငံ လူဦးရေနှင့် အိမ်အကြောင်းအရာသန်းခေါင်စာရင်း ၊ မကွေးတိုင်းဒေသကြီး ၊ သန်းခေါင်စာရင်းအစီရင်ခံစာ အတွဲ (၃ - ဇ)

ဤအစီရင်ခံစာသည် မြန်မာနိုင်ငံ ၊ ပြည်နယ်နှင့် တိုင်းဒေသကြီး (၁၅) ခု လူဦးရေနှင့် အိမ်အကြောင်းအရာ သန်းခေါင်စာရင်း အစီရင်ခံစာ အတွဲ (၃) တွင်ပါဝင်သည့် မကွေးတိုင်းဒေသကြီး ၏ အိမ်ထောင်စုဦးရေနှင့် လူမှုစီးပွားရေး ကိန်းဂဏန်းအချက်အလက်များကို အသေးစိတ်ဖော်ပြထားသည်။ ၂၀၁၄ ခုနှစ်လူဦးရေနှင့် သန်းခေါင်စာရင်းအရ ဤအစီရင်ခံစာသည် မြို့နယ်အဆင့်များအလိုက် အစီရင်ခံမှုများကို ပုံနှိပ်ထုတ်ဝေထားခြင်းဖြစ်သည်။ ၂၀၁၄ ခုနှစ် မြန်မာ့လူဦးရေနှင့် အိမ်ထောင်စုစာရင်းကို နှစ်ပေါင်း ၃၀အတွင်းပထမ ဦးဆုံးအကြိမ် ပြည်လုံးကျွတ် သန်းခေါင်စာရင်း ကောက်ယူခြင်းအနေဖြင့် ၂၀၁၄ခုနှစ် မတ်လ (၃၀) မှ ဧပြီလ (၁၀)ရက်နေ့ အထိ UNFPA ၏ ကူညီပံ့ပိုးမှုဖြင့်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဆောင်ရွက်ခဲ့ပါသည်။ နိုင်ငံတော်မှဆာင်ရွက်လျက် ရှိသောပြုပြင်ပြောင်းလဲရေး လုပ်ငန်းစဉ်များ၊ ဖွံ့ဖြိုးရေးလျာထားချက် များနှင့်ကောင်းမွန်သော အုပ်ချုပ်ရေးစနစ်များ အတွက်ရည်သန်လျက် သန်းခေါင်စာရင်းကောက်ခံသူပေါင်း တစ်သိန်းတစ်သောင်းကျော်တို့သည် အိမ်ထောင်စုပေါင်း ၁၂ သန်းကျော်ကို သွားရောက်ပြီးအိမ်ထောင်စု ဆိုင်ရာလူမူရေး၊ စီးပွားရေးနှင့်လူဦးရေ အချက်အလက်များကိုကောက်ခံခဲ့ပါသည်။ သုံးသပ်လေ့လာမှုအဆင့်အလိုက် ရရှိလာသောအဖြေများကို အချိန်နဲ့တစ်ပြေးညီ အဆင့်တစ်ခုခြင်းအလိုက် လူထုထံသို့ဖော်ပြသွားမည်ဖြစ်သည်။ ထပ်မံသိရှိလိုသောသတင်းအချက်အလက်များအတွက် www.dop.gov.mm နှင့် http://myanmar.unfpa.org/census တွင်ဝင်ရောက်ကြည့်ရှုနိုင်ပါသည်။