မြန်မာနိုင်ငံ၏ ပြိုင်ဆိုင်မှုပြင်းထန်သောနယ်မြေဒေသများ - ဒေသတွင်းပဋိပက္ခများ၊ အကူအညီ အထောက်အပံ့များနှင့် ဖွံ့ဖြိုးတိုးတက်မှု အခြေအနေများ

မြန်မာနိုင်ငံတွင် လက်ရှိဆောင်ရွက်လျက်ရှိသော ပြည်တွင်းငြိမ်းချမ်းရေးလုပ်ငန်းစဉ်သည် အမျိုးသား/ နိုင်ငံတော်အဆင့် ကြိုးပမ်းအားထုတ်မှုတစ်ရပ်ဖြစ်သကဲ့သို့ နိုင်ငံတကာအသိုင်းအဝိုင်း၏ ကျယ်ကျယ် ပြန့်ပြန့်ပံ့ပိုးကူညီမှုသည်လည်း အဓိကအခန်းကဏ္ဏမှပါဝင်လျက်ရှိနေပါသည်။ မြန်မာနိုင်ငံ၏ နိုင်ငံရေး ပြောင်းလဲမှုဖြစ်စဉ်ကို အားဖြည့်ကူညီရာတွင် လက်ရှိဆောင်ရွက်လျက်ရှိသော အပြန်အလှန် ဆွေးနွေး မှုများမှတစ်ဆင့် ငြိမ်းချမ်းရေးအလားအလာများကို အဆုံးစွန်ပံ့ပိုးနိုင်ရန်အတွက် အာရှဖောင်ဒေးရှင်း (Asia Foundation) သည် (၁) နှစ်ကြာ လေ့လာစူးစမ်းမှုများပြုလုပ်ပြီးနောက် ဤ “မြန်မာနိုင်ငံ၏ ပြိုင်ဆိုင်မှုပြင်းထန်သောနယ်မြေဒေသများ - ဒေသတွင်းပဋိပက္ခများ၊ အကူအညီ အထောက်အပံ့များနှင့် ဖွံ့ဖြိုးတိုးတက်မှု အခြေအနေများ “ အစီရင်ခံစာကို ပြုစုရေးသားခဲ့ပါသည်။ ရေးသားပြုစုသူ အများ အပြား ပါဝင်သည့် ဤလေ့လာမှု အစီရင်ခံစာတွင် သုတေသနပညာရှင်နှင့် ဝေဖန်ဆန်းစစ်သူများ၏ ကြွယ်ဝသော ပညာရပ်ဆိုင်ရာအကြံပြုမှုများ၊ အတွေ့အကြုံများကို ယူငင်ပြုစုထားပါသည်။ ဤအစီရင်ခံစာကို အာရှ ဖောင်ဒေးရှင်းမှ (၂၀၁၃) တွင်ထုတ်ဝေခဲ့သော “ အာရှ၏ပြိုင်ဆိုင်မှုပြင်းထန်သော နေရာဒေသများ - နိုင်ငံတွင်းပဋိပက္ခများနှင့် ဖွံ့ဖြိုးတိုးတက်မှုဆိုင်ရာ နိုင်ငံတကာအကူအညီ” စာတမ်းအစီရင်ခံစာ အပေါ် တွင် အခြေပြုတည်ဆောက်ထားခြင်းဖြစ်ပါသည်။ အာရှဖောင်ဒေရှင်းမှ (၂၀၁၃) အတွင်းထုတ်ဝေခဲ့သော အဆိုပါအစီရင်ခံစာတွင် အစိုးရအာဏာပိုင်များနှင့် နယ်မြေထိန်းချုပ်စီမံမှုပုံစံ အမျိုးမျိုးတို့ ပြိုင်တူ အုပ်ချုပ်လျက်ရှိသော ပဋိပက္ခသက်ရောက်ရာ နယ်မြေဒေသများအပါအဝင် မြန်မာတစ်နိုင်ငံလုံးအပေါ် သက်ရောက်နေသည့် အုပ်ချုပ်မှုဆိုင်ရာ ကိစ္စရပ်များ၊ ပြသနာများကို နိုင်ငံတစ်ခုချင်းအပေါ် သီးသန့် ရည်ရွယ်သည့် အဖိုးတန် သတင်းအချက်အလက်များနှင့်တကွဖော်ထုတ်တင်ပြထားပါသည်။