ပြည်ထောင်စုသမ္မတမြန်မာနိုင်ငံတော်ပြန်တမ်း အမှတ်(၇၀-၂၄)

.ပြည်ထောင်စု သမ္မတ မြန်မာနိုင်ငံတော်ပြန်တမ်း (ယခင်က ဘားမားဂေဇက်) သည် မြန်မာနိုင်ငံ၏တရားဝင် အစိုးရ ပြန်တမ်းဖြစ်သည်။ မြန်မာနိုင်ငံတွင် ပြန်တမ်းကို အပတ်စဥ်သောကြာနေ့တိုင်းထုတ်ဝေသည်။ ပြန်တမ်းတွင် အသစ်ထုတ်ဝေသော ဥပဒေ အကြောင်းအရာများ၊ စီမံခန့်ခွဲရေး အစီအစဥ်များနှင့် ညွှန်ကြားချက်များ၊ ဖွဲ့စည်းပုံ အသေးစိတ်များနှင့် ကော်မတီများ၏ ပြန်လည် နေရာချထားမှု ၊ အစိုးရပြန်တမ်းအရာရှိများ၏ ရာထူးပြောင်းရွေ့ခန့်ထားမှုများနှင့် အခြားသက်ဆိုင်သော အကြောင်းအရာ များပါဝင်သည်။ မြန်မာနိုင်ငံတော် ပြန်တမ်းကို ကိုလိုနီခေတ်တွင် စတင် အသုံးပြုခဲ့ပြီး နိုင်ငံသုံးဘာသာစကား ဖြင့် ကြော်ငြာစာများ ထုတ်ပြန်ပြီး အသုံးပြုခဲ့ ကြသည်။ ဗြိတိလျှ မြန်မာ ပြန်တမ်းကို ၁၈၇၅ ခုနှစ် ဇန်နဝါရီ ၂ရက်‌နေ့တွင် ပထမ အကြိမ် ပုံနှိပ်ခဲ့ ပြီး ၁၈၈၆ ခုနှစ် စက်တင်ဘာ ၂၅ ရက်နေ့တိုင်အောင် ဆက်လက် လုပ်ဆောင်ခဲ့သည်။ အသစ်ဖြစ်သော မြန်မာနိုင်ငံပြန်တမ်းကို ၁၈၈၆ အောက်တိုဘာ ၂ရက်နေ့မှ စတင်၍ ဆက်လက် ထုတ်ဝေခဲ့ပါသည်။