နိုင်ငံ၏ ရှေ့အလားအလာများ၊စွမ်းပကားများကို လမ်းဖွင့် ဖော်ထုတ်ခြင်း - နိုင်ငံ၏ ရှေ့အလားအလာများကို ခွဲခြမ်းဝေဖန်သည့် လေ့လာသုံးသပ်မှု အစီရင်ခံစာ

နိုင်ငံ၏ ရှေ့အလားအလာများ၊ စွမ်းပကားများကို လမ်းဖွင့်ဖော်ထုတ်ခြင်း - နိုင်ငံ၏ ရှေ့အလားအလာ များကို ခွဲခြမ်းဝေဖန်သည့် လေ့လာသုံးသပ်မှု အစီရင်ခံစာသည် အာရှဖွံ့ဖြိုးရေးဘဏ် စီးပွါးရေး နှင့် သုတေသနဌာန (ERD) မှ (၂၀၁၃) မတ်လ (၂၆) ရက်နေ့မှစ၍ သဘောတူ ခွင့်ပြု ဆောင်ရွက်ခဲ့သည့် ဘက်စုံလေ့လာဆန်းစစ်မှု အစီရင်ခံစာ (သုတေသန တွေ့ရှိချက် အကဲဖြတ်ဆန်းစစ်မှုနှင့် နည်းစနစ် အကူအညီ စီမံကိန်း အမှတ် (၈၃၄၃)၊ အစု အမှတ် (၀၀၁) စီမံကိန်း လက်အောက်ခံ စီမံကိန်း အခွဲ အမှတ် ၂ ) မှ ပေါ်ထွက်လာသည့် တွေ့ရှိချက်များဖြစ်ပါသည်။အဆိုပါ ဘက်စုံ လေ့လာဆန်းစစ်မှု စီမံကိန်းကို ယခင် ဘောဂဗေဒ ပညာရှင်အကြီးအကဲChangyong Rhee နှင့် ၎င်း ထွက်ခွါပြီးနောက် ဘောဂဗေဒ ပညာရှင် ဒုတိယ အကြီးအကဲနှင့် အရာရှိချုပ် Juzhong Zhuang တို့၏ ဘက်စုံလမ်းညွှန်မှုနှင့်အညီ လက်ထောက် ဘောဂဗေဒပညာရှင် အကြီးအကဲ Cyn-Young Park ၏ ဦးဆောင်သည့် စီးပွါးရေးဆိုင်ရာ ဝေဖန်ဆန်းစစ်မှုနှင့် လုပ်ငန်းဆောင်ရွက်မှု အထောက်အကူပြု ဌာနကြီးမှ စီးပွါးရေးပညာရှင်များ အဖွဲ့က တာဝန်ယူဆောင်ရွက်ခဲ့ခြင်းဖြစ်ပါသည်။ အမျိုးသား စီမံကိန်းနှင့် ဖွံ့ဖြိုးတိုးတက်မှု ဝန်ကြီးဌာန (MNPED) မှ လေးစားအပ်သော ဒေါက်တာ ကံဇော် ဥက္ကဌ အဖြစ်တာဝန်ယူဆောင်ရွက်သည့် အကြံပေးကော်မတီက လေ့လာဆန်းစစ်မှုဆောင်ရွက်သည့် ဘောဂဗေဒပညာရှင်အဖွဲ့ကို လုပ်ငန်းစဉ်တစ်လျောက်လုံး လိုအပ်သည့် လမ်းညွှန် ကူညီမှုများကို ပံ့ပိုးပေးခဲ့ပါသည်။ ပြည်တွင်း၊ ပြည်ပ ပညာရှင်အဖွဲ့ကလည်း လုပ်ငန်းဆောင်ရွက်သည့် အဖွဲ့နှင့် ပူးပေါင်း၍ အစီရင်ခံစာပါ နောက်ခံအချက်အလက်များပြုစုရာတွင် ကိုယ်တိုင်ပါဝင်ရေးသားသူများအဖြစ်၎င်း၊ အကြံပေးသူများအဖြစ်၎င်း အဖိုးမဖြတ်နိုင်သော ပံ့ပိုးကူညီ မှုများ ပြုလုပ်ပေးခဲ့ကြပါသည်။ (ဤလေ့လာဆန်းစစ်မှု အစီရင်ခံစာပြုစုရာတွင် အဓိကပါဝင်ကူညီသူ များနှင့် အကြံပေးကော်မတီ အဖွဲ့ဝင်များ၏ အမည်စာရင်းကို အစီရင်ခံစာ၏ အောက်ပါစာမျက်နှာများ တွင် မှတ်တမ်းတင်ဖော်ပြထားပါသည်။)