တရုတ်- မြန်မာ နှစ်နိုင်ငံ နယ်စပ်မျဉ်းတစ်လျောက်ရှိ တယ်ဟုန်ရှမ်းနှင့် ဂျိမ်းဖော ကိုယ်ပိုင်အုပ်ချုပ်ခွင့်ရ စီရင်စုတွင် ကျင့်သုံးနေသည့် နယ်စပ်ဒေသအုပ်ချုပ်မှုစနစ်များ

နိုင်ငံတကာ နယ်စပ်မျဉ်းတစ်လျောက်နှင့် ဆက်စပ်နေသည့် နယ်စပ်ဒေသများသည် အထူးသဖြင့် နိုင်ငံ အဆင့်နှင့် နိုင်ငံတကာအဆင့် စကေးအချိုးအစားများ၊ ဒေသတွင်းနှင့် ကမ္ဘာလုံးဆိုင်ရာ စကေးအချိုး အစားပြမြေပုံများ အရကြည့်ရှုသုံးသပ်ပါက သက်ဆိုင်ရာ နိုင်ငံတော်အစိုးရများ၏ အဓိကအားဖြင့် အုပ်ချုပ်မှုအောက်တွင်သာရှိသည်ဟု ယေဘူယျသတ်မှတ်ထားကြပါသည်။ သို့သော်လည်း လက်တွေ့ အခြေအနေတွင်မူ နယ်စပ်မျဉ်းများနှင့် ဆက်စပ်နေသည့် နယ်စပ်ဒေသများသည် ရှုပ်ထွေးသော ပုံစံအမျိုးမျိုးဖြင့်ရှိနေကြပြီး အစိုးရဌာနများနှင့် အစိုးရမဟုတ်သော အဖွဲ့အစည်းများက နိုင်ငံတော် ဥပဒေများ၊ စည်းမျဉ်းစည်းကမ်းများနှင့်သာမက မူဝါဒ၊ ဒေသတွင်း ဓလေ့ထုံးတမ်းအမျိုးမျိုးအသုံးပြု၍ တရားဝင် (သို့မဟုတ်) တရားဝင်မဟုတ်သော နည်းလမ်းပုံစံအမျိုးမျိုးဖြင့် အုပ်ချုပ်၊ စီမံ၊ အကောင် အထည်ဖော်ရာ နေရာများဖြစ်ကြပါသည်။ ဖော်ပြပါ နယ်စပ်ဒေသနှင့် သက်ဆိုင်သည့် အကြောင်းအရာ များကိုဤလေ့လာမှုစာတမ်းတွင် အဓိက ဦးတည်ဖော်ပြထားပါသည်။ ဤလေ့လာမှုစာတမ်းတွင် ၏ “နယ်နမိတ်ပိုင်နက်ဆိုင်ရာထောင်ချောက်” အယူအဆ၊ ၏ “အချုပ်အခြာ အာဏာ ပိုင်စိုးမှုပုံစံ အဆင့် ဆင့်” အတွေးအမြင်၊ ၏ “နယ်စပ်ဒေသအတိုင်းအတာပုံစံအမျိုးမျိုးကို ပေါ်ပေါက်စေခြင်း”ထင်မြင်ချက်၊ ၏ “နယ်စပ်ဒေသ” အတွေးအမြင်၊ ၏ “နယ်စပ်ဒေသ ကြားခံနယ်မြေ” တင်ပြချက်တို့ကို ထုတ်နှုတ် ယူငင်၍ တရုတ်မြန်မာနယ်စပ်တစ်လျောက် ယူနန်ပြည်နယ်နှင့်ထိစပ်နေသည့် တယ်ဟုန်ရှမ်းနှင့် ဂျိမ်းဖောကိုယ်ပိုင်အုပ်ချုပ်ခွင့်ရစီရင်စု ၏ တည်နေရာသဘာဝအမျိုးမျိုးကို ထည့်သွင်းတွက်ချက် ၊ လေ့လာတင်ပြထားပါသည်။ ဤသို့လေ့လာပြုစုရာတွင် တရုတ်နယ်နမိတ်ဒေသတစ်လျောက်ကို အဓိက ဦးတည်၍ အစိုးရဌာနများနှင့် အစိုးရမဟုတ်သောအဖွဲ့အစည်းများ၏ မတူညီသော အတိုင်းအတာ၊ ပုံစံများ က မည်သို့မည်ပုံ အပြန်အလှန်အကျိုးသက်ရောက်စေနိုင်သည်ဟူသည့် အချက်ကိုလည်း အထူးဂရုပြု စူးစမ်းလေ့လာထားပါသည်။ နိဂုံးချုပ်အနေဖြင့်ဆိုရသော် အဓိကပါဝင်ဆောင်ရွက်သူအမျိုးမျိုးတို့က အခြေအနေအရပ်ရပ်အပေါ်မူတည်၍ ဖန်တီးတည်ဆောက်ထားသာ နယ်စပ်ဒေသစီမံအုပ်ချုပ်မှု စနစ်၊ အတိုင်းအတာများသည် နိုင်ငံအစိုးရများက ပုံမှန်လက်ခံအသိအမှတ်ပြုထားသည့် ပုံစံများထက် ပိုမို ရှုပ်ထွေးနေသည်မှာ သေချာလှပါသည်။