ကမ္ဘာ့ဘဏ်၏ မြန်မာ့စီးပွားရေး စောင့်ကြည့်လေ့လာမှု အစီရင်ခံစာ ဇန်နဝါရီ ၂၀၂၂ - အတားအဆီး အခက်အခဲများနှင့် ဆက်လက်ရင်ဆိုင်နေရသည့် မြန်မာနိုင်ငံ၏ စီးပွားရေးအခြေအနေ

မြန်မာ့စီးပွားရေးနှင့် မြန်မာပြည်သူတို့သည် ၂၀၂၁ခုနှစ် အာဏာသိမ်းမှုနှင့် ကိုဗစ်-၁၉ ကူးစက်ရောဂါ ပြန့်ပွားမှုတို့ကြောင့် ပြင်းထန်စွာ ထိခိုက်ခံစားနေရဆဲဖြစ်သည်။ ၂၀၂၁ ခုနှစ် စက်တင်ဘာလအထိ ဘဏ္ဍာနှစ်အတွင်း စီးပွားရေးနှုန်းသည် ၁၈ ရာခိုင်နှုန်း ကျုံ့သွားမည်ဟု ခန့်မှန်းတွက်ချက်ခဲ့ပါသည်။ ၂၆ ဇန်နဝါရီ ၂၀၂၂ ခုနှစ်တွင် ထုတ်ပြန်သည့် ကမ္ဘာ့ဘဏ်၏ မြန်မာ့စီးပွားရေး စောင့်ကြည့်လေ့လာမှု အစီရင်ခံစာအရ ၂၀၂၂ ခုနှစ် စက်တင်ဘာလအထိတွက်ချက်ထားသည့် ဘဏ္ဍာနှစ်တွင် စီးပွားရေးနှုန်းသည် ၁ ရာခိုင်နှုန်းသို့ ရောက်ရှိလာမည်ဟု ခန့်မှန်းထားသည်။ အချို့သောကဏ္ဍများ၌ တည်ငြိမ်လာမည့် အရိပ်လက္ခဏာများ ပေါ်ပေါက်လာသော်လည်း ကိုဗစ်-၁၉ကပ်ရောဂါနှင့် ၂၀၂၁ ခုနှစ် ဖေဖော်ဝါရီ အာဏာသိမ်းမှုသာ မပေါ်ပေါက်ခဲ့လျှင် ရှိနေမည့်စီးပွားရေးပမာဏထက် ၃၀ ရာခိုင်နှုန်း ပိုမိုသေးငယ်သွားနိုင်သည်ဟု ခန့်မှန်းထားချက်သည် အလွန်အမင်းအားနည်းနေသည့် စီးပွားရေးအခြေအနေအား ထင်ဟပ်လျက်ရှိသည်။