ការ​រារាំង​៖​ ការ​សិក្សា​ពី​ដំណើរការ​នៃ​ការ​តាំងទី​លំនៅ​ថ្មី​ និង​ផល​ប៉ះពាល់​នៃ​ការ​ស្តារ​ផ្លូវដែក​កម្ពុជា​

​គម្រោង​ផ្លូវដែក​មាន​គោលបំណង​ដើម្បី​ផ្តល់​ជា​មធ្យោបាយ​ដែល​មាន​ប្រសិទ្ធភាព​ និង​មាន​តម្លៃ​សមរម្យ​ សម្រាប់​ការ​ដឹក​ជញ្ជូន​ទំនិញ​ធុន​ធ្ងន់​ ទំនិញ​សំពីងសំពោង​ និង​ទំនិញ​គ្រោះថ្នាក់​។​ យោង​តាម​ធនាគារអភិវឌ្ឍន៍អាស៊ី​ គម្រោង​នេះ​ត្រូវ​បាន​គេ​រំពឹង​ថា​ នឹង​កាត់​បន្ថយ​ការ​ចំណាយ​លើ​ទំនិញ​សំខាន់ៗ​ និង​វត្ថុធាតុដើម​សម្រាប់​ផលិតកម្ម​។​ អត្ថប្រយោជន៍​ដែល​បាន​រំពឹង​ទុក​ផ្សេង​ទៀត​ គឺ​វិស័យ​ដឹក​ជញ្ជូន​ដែល​មានការ​ប្រកួតប្រជែង​ បង្កើន​សុវត្ថិភាព​ផ្លូវថ្នល់​ និង​កាត់​បន្ថយ​ការ​ចំណាយ​លើ​ការ​សាងសង់​ និង​ជួសជុល​ផ្លូវថ្នល់​ ដោយ​នឹង​ជម្លៀស​ការ​ស្ទះ​ចរាចរ​មួយ​ភាគ​ ចេញពី​ផ្លូវ​ល្បឿន​លឿន​។​ គម្រោង​នេះ​មាន​បំណង​ដើម្បី​បង្កើត​ជា​មជ្ឈមណ្ឌល​ដឹក​ជញ្ជូន​អនុ​តំបន់​កម្ពុជា​ ដោយ​បង្កើន​ការ​ប្រកួតប្រជែង​សេដ្ឋកិច្ច​របស់​ប្រទេស​ និង​រួមចំណែក​ធ្វើ​សមាហរណកម្ម​សេដ្ឋកិច្ច​ក្នុង​តំបន់​។​ ក្នុង​រយៈពេល​វែង​ រថភ្លើង​ដឹក​អ្នកដំណើរ​ត្រូវ​បាន​គេ​រំពឹង​ថា​នឹង​ក្លាយជា​ប្រតិបត្តិការ​ ដែល​ផ្តល់​ជូន​ជា​ជម្រើស​ធ្វើ​ដំណើរ​ ដែល​មាន​តម្លៃ​សមរម្យ​។