မြန်မာ့ရပ်ရွာပြည်သူလူထုပိုင်သစ်တောများအပေါ် အကဲဖြတ်အစီရင်ခံစာ_recoftc_2022

သစ်တောဦးစီးဌာနမှ ရပ်ရွာပိုင်သစ်တောလုပ်ငန်း (CF) ကို ၁၉၉၅ ခုနှစ်တွင် ထုတ်ပြန်ပြီးနောက် မြန်မာနိုင်ငံရှိ ဒီရေတောများ အများအပြားပေါက်ရောက်သည့် ဧရာဝတီမြစ်ဝကျွန်းပေါ်ဒေသတွင် စတင်တည်ထောင်ခဲ့ပါသည်။ အသိအမှတ်ပြုရပ်ရွာပိုင် ဒီရေတော များကို လေ့လာဆန်းစစ်ရာတွင် ဧရာဝတီတိုင်း ရှိ ဖျာပုံ၊လပွတ္တာ၊ ဘိုကလေးမြို့နယ်များနှင့် ရန်ကုန်တိုင်းဒေသကြီးရှိ ကွမ်းခြံကုန်း မြို့နယ် အစရှိသည့် မြို့နယ်လေးခု၌ အဓိကထားဆောင်ရွက်ခဲ့ကြပါသည်။

ဤလေ့လာမှုသည် ရပ်ရွာပိုင်ဒီရေတောများအား အသိအမှတ်မပြုမီနှင့် အသိအမှတ်ပြုပြီးနောက်ပိုင်း အခြေအနေများအပေါ် တည်နေရာနယ်နမိတ်များနှင့်သက်ဆိုင်သော လေ့လာဆန်းစစ်မှုနှင့် လူမှုစီးပွားများအပေါ် လေ့လာဆန်းစစ်မှု များဖြင့် နှိုင်းယှဉ်ပြီး အသိအမှတ်ပြု ဒီရေတောများ၏ အကျိုးသက်ရောက်မှုကို လေ့လာဆန်းစစ်ခဲ့ခြင်းဖြစ်သည်။ ဤလေ့လာဆန်းစစ်မှုကို စင်္ကာပူအမျိုးသားတက္ကသိုလ် – NUS မှပြုလုပ်သော spatial analysis နှင့် လူမှုစီးပွားရေးစစ်တမ်း/ မြေပြင်အမှန်တရား/ RECOFTC Myanmar မှဆောင်ရွက်သော ရပ်ရွာပိုင်ဒီရေတောများ နယ်နိမိတ်ဆိုင်ရာ ညှိနှိုင်းအချက်များ စုဆောင်းခြင်း ဆိုသည့် အဓိကအားဖြင့်အပိုင်းနှစ်ပိုင်းခွဲခြားထားသည်။