ແຜນແມ່ບົດກ່ຽວກັບພະລັງງານໄຟຟ້ານ້ຳຕົກແບບຍືນຍົງ ສຳລັບອ່າງໂຕ່ງເຊກອງ ສປປລາວ

ແຜນແມ່ບົດນີ້ສ້າງຂຶ້ນໂດຍສະຖາບັນຄົ້ນຄວ້າມໍລະດົກທຳມະຊາດ ແລະ ທີມຊ່ຽວຊານຕ່າງປະເທດ ຮ່ວມກັບລັດຖະບານ ສປປ ລາວ. ມີຈຸດປະສົງ ເພື່ອຊ່ວຍລັດຖະບານລາວໃນການຈັດຕັ້ງປະຕິບັດນະໂຍບາຍກ່ຽວກັບການພັດທະນາພະລັງງານໄຟຟ້ານ້ຳຕົກແບບຍືນຍົງ ຕາມດຳລັດຂອງນາຍົກລັດຖະມົນຕີ ສະບັບລົງວັນທີ 12 ມັງກອນ 2015. ແຜນແມ່ບົດນີ້ມີທ່າອ່ຽງສອງຄ່ອງກັບເປົ້າໝາຍດ້ານພະລັງງານຂອງລາວ ແລະເພື່ອຮັກສາສະພາບຂອງແຫຼ່ງປານ້ຳຈືດທີ່ຍັງສົມບູນທີ່ສຸດໃນໂລກທີ່ຍັງມີຢູ່ ເຊິ່ງເປັນອັນດັບສອງຮອງຈາກອາເມຊອນ ໃນແງ່ຂອງຄວາມຫຼາກຫຼາຍດ້ານຊີວະນາໆພັນ, ເຊິ່ງມີພັນສັດນ້ຳກວ່າ 1200 ຊະນິດສາຍພັນຕາມການວິໄຈ. ນ້ຳເຊກອງ ເຊິ່ງເປັນສາຂາໜຶ່ງຂອງແມ່ນ້ຳຂອງ ມີປາທີ່ອົບພະຍົບປະມານ 81 ຊະນິດ ແລະ ເປັນອູ່ເຂົ້າອູ່ນ້ຳຂອງຫຼາຍລ້ານຊີວິດ ກຳລັງໄດ້ຮັບໄພຈາກການແຜນການສ້າງພະລັງງານໄຟຟ້ານ້ຳຕົກຂອງລາວ, ເຊິ່ງມີການສະເໜີສ້າງເຂື່ອນໄຟຟ້າ 7 ແຫ່ງຕາມລຳນ້ຳເຊກອງ.

ແຜນແມ່ບົດນີ້ ເຊິ່ງໄດ້ຍື່ນຕໍ່ລັດຖະບານລາວໃນຕົ້ນເດືອນກຸມພາ 2018 ໄດ້ສ້າງຜ່ານທິດຊີ້ນຳຢ່າງເປັນທາງການຈາກນາຍົກລັດຖະມົນຕີຂອງລາວ ເພື່ອເປັນແນວທາງໃຫ້ແກ່ການຈັດຕັ້ງກະຊວງຕ່າງໆທີ່ກ່ຽວຂ້ອງ ເພື່ອຮັບຮອງເອົາ ແລະຈັດຕັ້ງປະຕິບັດຕາມຜົນການຄົ້ນຄວ້າແລະຄຳແນະນຳຂອງແຜນແມ່ບົດ NHI ນີ້ ເພື່ອເປັນພື້ນຖານໃນການພັດທະນາພະລັງງານໄຟຟ້ານ້ຳຕົກໃນທົ່ວປະເທດ. ເຖິງຢ່າງໃດກໍຕາມ ລັດຖະບານບໍ່ມີຄວາມຈຳເປັນຕ້ອງດຳເນີນການທຸກຢ່າງຕາມ ຄຳແນະນຳຈາກອົງການຈັດຕັ້ງສາກົນນີ້ ໃນການພັດທະນາຂະແໜງການຕ່າງໆ ໂດຍສະເພາະວຽກງານທີ່ກ່ຽວຂ້ອງກັບ ນ້ຳ ແລະ ພະລັງງານ ເຊິ່ງມີລັກສະນະລະອຽດອ່ອນ ແລະມີຂໍ້ຂັດແຍ່ງ.

ຊຸດເອກະສານນີ້ລວມມີບົດສະຫຼຸບຂັ້ນຕອນການົ້ນຄວ້າຄັດຕິດ ແລະ ມີຜົນຈາກການຄົ້ນຄວ້າຂອງແຜນແມ່ບົດ. ແຜນແມ່ບົດແຕ່ລະພາກ ລວມທັງຍຸດທະສາດການຈັດຕັ້ງປະຕິບັດ ສາມາດດາວໂຫຼດໄດ້ຈາກພາກສ່ວນແຫຼ່ງຂໍ້ມູນ.